ستتارخان آتليلاري
يهه ري حاضيرلايين
گتيرين توفنگيمي!
بالالار ساغ قالاسيز،
گئديره م من، گئديره م؛
يوردومو، تورپاغيمي
هله‌ليک ترک ائديره م.
صوبح اذاني اولماميش،
گوموش اولدوز سولماميش،
"شيبلي"نين سول تاييندا ستتارخان آتليلاري
يوروش ائدير دوشمانا.
قارانليق چکيلمه‌ميش،
دان يئري سؤکولمه‌ميش،
آزادليق قوشونوندان قيزيل آت‌دا سسله‌نير،
يهه ري حاضيرلايين
قاچماغا هوسله‌نير.
صوبح اذاني اولماميش،
گوموش اولدوز سولماميش،
توفنگيم کوره‌ييمده
قاتارلار بئليمده کن،
قيزيل آتيم يئل کيمي
گؤتوروله ر داغلارا.
اونو بير قشوولايين!
يهه رين حاضيرلايين!
ايستيبداد قوشونونا گئديريک قيرغين سالاق
گئديريک اؤلکه‌ميزي
يادلار اليندن آلاق.
گئديريک گديک‌لرين قورد‌لارين توتوب بوغاق،
بلکه گله‌جکده سيز-
بالالار، دينجه‌له‌سيز.
قيزيل آتين بئلينده-
داغلارا يوکسله‌سيز.
31/5/1342
0 Comments:
Post a Comment
<< Home