اوخا تاي آتا
نه صوفي‌لرين سون سولطاني ايدي او،
نه گؤورچين‌گيلين ايلکي‌سي؛
سحرچي‌لرين آغ فايتونو ايدي
دورنا يوللاريندا.
قالي‌دان قالا ايدي، قالي‌لاردان قالا
و قيزيل‌دان اوجاق.
او چيراق تکين آليشديريردي-
تاخچالاردا بيزي
تاخچالاردا پاپاق.
"آلاقاپي"نين کرپيچ سککي‌سينده-
قيزيل چيچک‌لر آخشام سولدو؛
گؤي بيلکلردن يوموروق- يوموروق يئميش‌لر بيتمه‌دي.
کرپيچ سککي‌لرده
سحرچي‌لرين قيزيل فايتونو،
کرپيچ سککي‌لرده هيجان شاخسئيي؛
کرپيچ سککي‌لرده چيراق يانديران اوخا تاي آتا؛
گؤزونده گؤزلوک،
بوينوندا شريف
گئديردي تمکينله آليشقان يوللاري؛
و "ترويا"نين داش قاپيسيندا
ناغيلين سونو: چيراق سؤندوره ن تاختا آت!
27/10/1345
0 Comments:
Post a Comment
<< Home